📰 बीरगांव म तहसील साहू संघ के चुनई शांति अऊ उत्साह के संग सम्पन्न होइस।

📍 बीरगांव/रायपुर | 18 अप्रैल ! बीरगांव तहसील म साहू समाज के संगठनात्मक मजबूती बर महत्वपूर्ण चुनई मजदूर नगर सरोरा म शांति अऊ सुग्घर ढंग ले सम्पन्न होइस। ए चुनई रईपुर जिला ग्रामीण साहू संघ के देखरेख म कराए गिस, जेमे तहसील साहू संघ बीरगांव के नवा पदाधिकारी मन के चयन करे गिस।

जानकारी मुताबिक, तहसील बीरगांव म चार परिक्षेत्र अऊ बीस ग्राम इकाई साहू समाज शामिल हवंय, जिहां के कुल 118 मतदाता मन मतदान करिन।

चुनई म समाज सेवा म सक्रिय अऊ गरीब मजदूर मन के आवाज बने बेदराम साहू (पार्षद) भारी बहुमत ले अध्यक्ष निर्वाचित होइन। उंकर जीत के बाद पूरा साहू समाज म खुशी के माहौल बन गिस। फटाका फोड़े गइन, मिठाई बांटे गइन अऊ उत्सव के माहौल देखे बर मिलिस।

✨ नव निर्वाचित पदाधिकारी मन के सूची:

▪️ अध्यक्ष – बेदराम साहू

▪️ उपाध्यक्ष – जीवन साहू

▪️ महिला उपाध्यक्ष – श्रीमती प्रतिमा साहू

▪️ कोषाध्यक्ष – केहरु साहू

▪️ संगठन सचिव – देवेश्वर साहू

▪️ महिला संगठन सचिव – श्रीमती उमा साहू

रईपुर जिला ग्रामीण साहू संघ के अध्यक्ष देवनाथ साहू ह सबो पदाधिकारी मन के निर्वाचित होए के आधिकारिक घोषणा करिन।

मीडिया प्रभारी कमलेश साहू बताइन के, जिला साहू संघ के वरिष्ठ पदाधिकारी अऊ निर्वाचन अधिकारी डॉ. दुजे राम के मार्गदर्शन म पूरा चुनई प्रक्रिया शांतिपूर्ण अऊ नियम अनुसार सम्पन्न होइस।

ए कार्यक्रम म बीरगांव तहसील के चारों परिक्षेत्र ले सैकड़ों साहू समाज के भाई-बहिनी मन उपस्थित रहिन अऊ चुनई के साक्षी बनिन। पूरा परिसर भक्त माता कर्मा अऊ दानवीर भामाशाह के जयकारा ले गूंजत रहिस।

कार्यक्रम के समापन पूर्व अध्यक्ष लालकुमार साहू के धन्यवाद ज्ञापन अऊ राष्ट्रगान के संग करे गिस।