📰 पोस्टर म चेहरा म टेप चिपकाय के विवाद – पार्षद सावित्री भारत धीवर दुखी, थाना म लिखित सिकायत

📰 पोस्टर म चेहरा म टेप चिपकाय के विवाद – पार्षद सावित्री भारत धीवर दुखी, थाना म लिखित सिकायत

📍 महात्मा गांधी वार्ड क्रमांक 08, 

भगवान जगन्नाथ जी के रथ यात्रा के मौका म भाजपा के तरफ ले लगाय गे पोस्टर म एक गंभीर मामला बाहर आइस हे। वार्ड क्रमांक 8 के पार्षद श्रीमती सावित्री भारत धीवर कहिन कि ओमन के चेहरा ऊपर जान बूझ के टेप चिपका के अपमान करे गे हवय।

पार्षद सावित्री धीवर ए बात ला व्यक्तिगत अपमान अउ राजनीतिक साजिश बताइस हे। ओमन ए बात के लिखित सिकायत विधानसभा थाना म दर्ज करवाइस हे, जिहां ओ कहिन कि ए तरीका ले उंकर सामाजिक अउ राजनीतिक छवि ला खराब करे के कोशिस होवत हे।

📌 पार्षद सावित्री के बात:
“ये सिरिफ मोर अपमान नइ हे, बल्की हर एक जनप्रतिनिधि के गरिमा के खिलाफ बात आय। एक महिला जनप्रतिनिधि के संग ए तरह के बर्ताव गलत हवय। प्रशासन ले हम कड़क कारवाही के मांग करत हन।”

📸 विवादित पोस्टर के फोटो अब सोशल मीडिया म जोरदार वायरल होवत हवय, जिहां साफ दिखत हे कि पार्षद के चेहरा ऊपर टेप चिपकाय गे हवय, जब कि दूसर नेता मन के फोटो साफ-साफ दिखत हवय।

🔎 सिकायत के मांग:

• दोषी मन के पता लगाके कड़ी कारवाही होवय
• भविस्य म जनप्रतिनिधि मन संग सम्मान के व्यवहार बने रहाय।